процедури

Васкуларната хирургија претставува специјалност во медицината која се занимава со оперативно и минимално ивазивно лекување на крвните садови во човековиот организам. Бидејки самиот васкуларен систем е насекаде распространет, самата специјалност е одговорна за третман на сите крвни садови освен мозочните и срцевите. Постојат заболувања на крвните садови кои даваат симптоми со чија дијагностика се поставува јасна индикација за лекување, но постојат и одредени заболувања на крвните садови кои можат да направат сериозен проблем и ризик по здравјето на човекот, па затоа истите се инкорпорирани во превентивните прегледи во примарното и секундарно здравство. Со развојот на технологијата и методите на минимално инвазивно лекување, васкуларната хирургија претставува една од хируршките специјаности со најголем развој во последната деценија. Денес, голем број на заболувања и оперативни зафати, се заменети со ендоваскуларни техники кои имаат за цел, пократко, поефикасно и лекување со минимални компликации за пациентите.