пациенти

Нашата цел е пациентите да се чувствуваат подготвени, информирани и безбедни. Во оваа категорија ќе најдете информации што се однесуваат на текот на хоспитализацијата, подготовките за хируршки зафат, како и на животот по операцијата. Содржините се внимателно подготвени за да одговорат на вашите најчести прашања и да ви помогнат полесно да го разберете процесот низ кој минувате.

Ambulanta (1)

АМБУЛАНТА

Нашата амбуланта е првата станица на вашиот пат до здраво срце. Тука се врши проценка на вашата здравствена состојба, следење на состојбата по операција и подготвителни прегледи за хируршки зафати. Работиме по претходно закажан термин преку системот „Мој Термин“. За преглед е потребно да носите целосна медицинска документација.

Во амбулантата за кардиохирургија се врши амбулантски прием на пациенти за консултација, дијагностика и следење по извршени оперативни зафати. Работното време е во текот на работните денови, и пациентите се примаат со претходно закажан термин преку матичен лекар или упатување преку системот „МојТермин“.

Во утринските часови се врши прием на пациенти кои се упатени на хоспитализација за хируршки зафат, додека во останатиот дел од денот се вршат редовни и вонредни контролни прегледи. Препорачуваме на сите пациенти да ја понесат целата расположлива медицинска документација со себе, со цел лекарите да имаат комплетен увид во нивната здравствена состојба.

Потребни документи за преглед:

  • Упат од матичен лекар 

  • Најнови медицински наоди и лабораториски анализи

  • Отпусни писма од претходни хоспитализации (доколку ги има)

Работно време на амбулантата:
Понеделник – Петок: 08:00 – 15:00 часот.

Priem vo bolnica 2 (1)

Прием во болница

Приемот на пациентите се врши по претходно закажан термин. За успешно хоспитализирање, потребна е комплетна медицинска документација и важечки упат за болничко лекување. Секој пациент минува низ проценка од лекар пред сместување на одделение. Ова е клучен чекор за ваша безбедност и успешна интервенција.

Приемот на пациент во болница е важен чекор во подготовката за кардиохируршка интервенција. Тој се одвива по претходно закажан термин, во согласност со упатот од матичен лекар или кардиолог и зависи од подготвеноста на пациентот и медицинската документација.

При доаѓање на денот за прием, потребно е пациентот да донесе:

  • Упат за болничко лекување

  • Медицинска документација (отпусни листи, резултати од анализи, снимки)

  • Листа на лекови кои ги користи

Во приемната амбуланта, пациентот ќе биде прегледан од лекар кој ќе ја провери подготвеноста за интервенцијата и ќе го упати на одделението за предоперативна подготовка. Ако се утврдат дополнителни здравствени ризици или недостасува документација, приемот може да биде одложен во интерес на безбедноста на пациентот.

Целта е секој пациент да влезе во хируршка постапка со целосна подготовка и минимален ризик, за најдобри можни резултати.

Оперативен ризик

Секоја кардиохируршка интервенција, без разлика дали е рутинска или сложена, носи одреден степен на ризик. Сепак, благодарение на современите методи, напредната технологија и искусниот медицински кадар, тие ризици денес се значително намалени.

Пред да се закаже операција, лекарскиот тим детално ја проценува здравствената состојба на пациентот, неговите хронични заболувања, резултатите од дијагностиката, возраста, како и потенцијалните компликации. На тој начин се утврдува индивидуалниот ризик и се подготвува најбезбедниот можен пристап за лекување.

Пациентите се секогаш информирани за сите можни исходи и компликации, и имаат можност да постават прашања и да добијат објаснувања пред да дадат согласност за интервенција. Транспарентноста и вниманието кон безбедноста се основа на секој хируршки зафат.

Чести Прашања

Најчесто поставуваните прашања во врска со кардиохируршките процедури, подготовките пред операција, закрепнувањето, исхрана и секојдневни активности по операцијата. Целта ни е да ви понудиме сигурност и доверба преку точни и јасни информации.

1. Кои прегледи треба да ги направам пред кардиохируршка операција?
Пред операцијата, потребно е да направите основни лабораториски анализи, ЕКГ, рендген на граден кош, ехокардиографија и други дијагностички испитувања што ќе ги препорача вашиот лекар.

2. Дали треба да прекинам со некои лекови пред операцијата?
Да. Некои лекови, како антикоагуланси (на пр. синтром, клопидогрел, ривароксабан, апиксабан, варфарин и др.), можеби ќе треба да ги прекинете неколку дена пред интервенцијата. Вашиот лекар ќе ви даде точни насоки според вашата состојба.

3. Колку трае операцијата на срцето?
Траењето зависи од типот на зафатот, но во просек кардиохируршките операции траат од 3 до 6 часа.

4. Кога ќе се разбудам по операцијата?
Најчесто пациентот се разбудува неколку часа по завршувањето на операцијата, додека е уште под мониторинг во интензивна нега.

5. Колку долго ќе останам во болница по операцијата?
Вообичаено, престојот трае 5 до 10 дена, во зависност од сложеноста на зафатот и текот на опоравувањето.

6. Кога смее да се туширам по операцијата?
Вообичаено, туширањето е дозволено непосредно по напуштање на болничкото лекување со претпазливост околу хируршките рани. Медицинскиот персонал ќе ви даде конкретни упатства.

7. Каква физичка активност е дозволена по напуштање на болницата?
Најчесто се препорачуваат лесни прошетки и контролирана активност, со постепено зголемување според препораките на кардиологот.

8. Каква исхрана се препорачува по операцијата?
По операцијата се препорачува балансирана исхрана со малку масти, сол и шеќери. Преовладува свежа храна, овошје, зеленчук, течности, храна богата со протеини  и полнозрнести производи.

Речник на термини

Медицинските изрази понекогаш можат да бидат збунувачки. Овој речник е тука за да ви ги објасни најчесто користените термини во областа на кардиохирургијата. Со подобро разбирање, ќе можете полесно да ја следите вашата состојба и терапија.

Кардиохирургијата користи специфична медицинска терминологија која може да биде збунувачка за пациенти. Нашиот Речник на медицински термини е создаден за да ви помогне да разберете клучни поими и термини што се користат во кардиохируршките процедури и дијагнози.

Од едноставни поими како што се “бајпас” или “анестезија”, до потемни и помалку познати термини, овој речник има за цел да ви овозможи полесно да го разберете медицинскиот јазик кој ќе го сретнете пред, за време на и по операцијата.

Се надеваме дека ова ќе ви помогне да се чувствувате поинформирано, помалку загрижено и подготвени за вашиот третман.

Бајпас (Bypass) – Хируршка процедура која вклучува создавање нов пат за крвта да ја заобиколи блокираната или стеснетата артерија.

Анестезија – Лекови кои се користат за да се обезбеди безболно изведување на хируршката интервенција.

Клапа (Heart Valve) – Дел од срцето кој регулира протокот на крвта помеѓу различни делови на срцето.

Коронарна артерија (Coronary Artery) – Артерија која го снабдува срцето со кислород и нутриенти.

Срцев удар (Heart Attack) – Состојба која настанува кога протокот на крв во дел од срцето е блокиран.

Екстубација – Процес на отстранување на цевката за вентилација по операцијата.

Трансплантација на срце (Heart Transplant) – Хируршка процедура каде оштетеното срце се заменува со здраво срце од донор.

Срцева фибрилација (Atrial Fibrillation) – Нередовна и често брза на срцева акција.

Тромбоза (Thrombosis) – Формирање на крвни згрутчувања во крвните садови.

Ангиопластика (Angioplasty) – Хируршка постапка која вклучува проширување на стеснетите артерии, често со вметнување на стент.

Ехокардиографија (Echocardiography) – Дијагностичка техника која користи ултразвук за да ги прикаже структурата и функцијата на срцето.

Кардиомиопатија (Cardiomyopathy) – Болест на срцевиот мускул која го нарушува нормалното функционирање на срцето.

Хипертензија (Hypertension) – Висок крвен притисок кој може да ја оштети срцевата функција и крвните садови.

Ангиографија (Angiography) – Постапка која користи рендгенски зраци и контрастно средство за да ја прикаже структурата на крвните садови.

Перикардитис (Pericarditis) – Воспаление на мембраната која го обвива срцето (перикардот).

Тахикардија (Tachycardia) – Брзо чукање на срцето, обично над 100 откуцувања во минута.

Брадикардија (Bradycardia) – Споро чукање на срцето, обично помалку од 60 откуцувања во минута.

Фиброза (Fibrosis) – Ткиво зацврстено со колаген, кое може да се развие во срцето поради оштетување.

Стент (Stent) – Мал метален или пластичен уред кој се поставува во стеснети артерии за да ги задржи отворени и да овозможи нормален проток на крвта.